गणपती विसर्जन तराफावर बसून तलावात गेलेल्या तरुणाचा बुडून मृत्यू 

गणपती विसर्जन तराफावर बसून तलावात गेलेल्या तरुणाचा बुडून मृत्यू 
नवी मुंबई - गणपती विसर्जनासाठी वापरात असलेल्या तराफावर बसलेल्या तरुणाचा तलावात बुडून मृत्यू झाल्याची घटना शुक्रवारी पहाटे तुर्भे या ठिकाणी घडली आहे.या प्रकरणी आकस्मित मृत्यूची नोंद एपीएमसी पोलीस ठाण्यात करण्यात आली आहे.
                  निलेश उंदीर पाटील (२८) असे मयत तरुणाचे नाव आहे.तो सानपाडा या ठिकाणी राहणार आहे.त्याला दारू पिण्याचे व्यसन असून अनेकवेळा रात्रभर बाहेर फिरत असल्याचीही माहिती प्राप्त झाल्याची माहिती एपीएमसी पोलीस ठाण्याचे वरिष्ठ पोलीस निरीक्षक सतीश निकम यांनी दिली.गुरुवारी ७ दिवसांच्या गणपतीचे विसर्जन झाल्यावर रात्री १२ नंतर तलावाजवळील सर्व कर्मचारी निघून गेले.त्या नंतर त्या ठिकाणी कोणीही नव्हते.गणपती विसर्जनासाठी वापरात असलेले तराफ ही एका बाजूला लावून ठेवण्यात आले होते.असे असतांना रात्री ३ च्या सुमारास त्या ठिकाणी निलेश आला असता तो तराफावर जाऊन बसला.ह्ळुहूळु तो तलावात सरकत गेल्याने अचानक त्याचा तोल गेला आणि तो तलावात बुडाला.ही घटना काही जणांनी बघितली असता तत्काळ ही माहिती अग्निशमन दल व पोलिसांना दिली.या माहितीच्या आधारे अग्निशनम दल व पोलिसांनी घटनास्थळी धाव घेतली.व निलेश चा शोध घेतला.काही वेळात त्याचा शोध लागला असता त्याचा मृत्यू झाल्याचे कर्मचाऱ्यांच्या निदर्शनास आले.निलेश च्या पालकांना सदरील घटना समजली असता त्यांनीही तत्काळ घटनस्थळी धाव घेतली.त्यावेळी पोलिसांनी त्यांच्याकडून माहिती घेतली असता त्याला रात्री फिरायची सवय होती अशी माहिती पोलिसांना मिळाली.मात्र तो तलावात का गेला याचा अजून तपास लागलेला नसून त्याचीही चौकशी सुरु असल्याचे निकम यांनी सांगितले.


 


Popular posts
वाशी हावरे फंटासिया मॉल मधील अनधिकृत बांधकामांवर होणार कारवाई, अनधिकृत बांधकामांमुळे शेकडो जणांचा जीव धोक्यात
Image
मनपा कंत्राटी कामगारांच्या प्रलंबित मागण्यांबाबत मनसे आक्रमक, आयुक्तांना सात दिवसांचा अल्टीमेटम , मागण्या मान्य न झाल्यास शंखनाद मोर्च्याचा मनसे इशारा
Image
अनेक वर्षांपासून प्रलंबित असलेल्या १२० कर्मचा-यांच्या पदोन्नती, मनपा आयुक्त अभिजीत बांगर यांचा कर्मचारी कल्याणकारी निर्णय
Image
नेरुळ विभाग अधिकारी व अतिक्रमण कनिष्ठ अभियंता यांच्यातील वाद चव्हाटयावर, चांगला कनिष्ठ अभियंता देण्याची प्रशासनाकडे मागणी
Image
अनधिकृत बांधकाम प्रकरणी जनहित याचिका दाखल , नवी मुंबई महानगरपालिका,सिडको व महावितरण प्रतिवादी
Image