कोरोना पॉझिटिव्ह महिला प्रसूतीनंतर बाळासह सुखरूप घरी

कोरोना पाॅझिटिव्ह महिला प्रसूतीनंतर बाळासह सुखरूप घरी 


नवी मुंबई :- महानगरपालिकेच्या सेक्टर १०, वाशी येथील डेडिकेटेड कोव्हीड १९ रुग्णालयामध्ये ६ एप्रिल रोजी घणसोली येथील कोरोना पॉझिटिव्ह महिलेची अत्यंत सुव्यवस्थितरित्या सिझेरीन प्रसूती करण्यात आली. या महिलेच्या ह्रदयविषयी गुंतागुंतीच्या स्थितीमध्ये अत्यंत सुरक्षित रितीने ही प्रसूती पार पाडणार्‍या महापालिका वैद्यकीय अधिकारी आणि कर्मचारी यांचे संपूर्ण राज्यभरात आणि देशात कौतुक करण्यात आले.
              सुदैवाची बाब म्हणजे सदर महिलेच्या बाळास कोरोनाची लागण झाली नसल्याचे दोनवेळा केलेल्या तपासणीत सिध्द झाले आणि प्रसूती झालेल्या महिलेच्याही दोनवेळा तपासणी करण्यात येऊन ती देखील पाॅझिटिव्हची निगेटिव्ह झाल्याचे निष्पन्न झाले आहे.त्यामुळे या महिलेस वाशी रूग्णालयातून बाळासह घरी पाठवताना टाळ्यांच्या गजरात सुरक्षितपणे रवाना करण्यात आले, त्यावेळी या महिलेसह रूग्णालयातील अधिकारी, कर्मचारी यांच्या डोळ्यांतही आनंदाश्रू तरळले.कोरोना विरोधातील लढाई मनाशी जिद्द बाळगली तर आपण निश्र्चित जिंकू शकतो हे त्या महिलेने दाखवून दिले आहेच, शिवाय तिच्या नवागत मुलीनेही पृथ्वीतलावर अवतरताना आपल्यातील वेगळेपणाचा प्रत्यय दिला आहे, जो अनेकांची प्रेरणा ठरेल.


Popular posts
बृहन्मुंबई व ठाणे जिल्हा सुरक्षा रक्षक मंडळात राजे प्रतिष्ठान कामगार सेनेची नोंदणी
Image
राजे प्रतिष्ठाण वाहतूक सेनेच्या पहिल्या रिक्षा स्टॅन्डचे नवी मुंबईत उदघाटन
Image
प्रतीक्षा (वेटिंग) यादीवरील सुरक्षा रक्षकांसाठी राजे प्रतिष्ठाण सुरक्षा रक्षक सेना आक्रमक
Image
अपोलो मार्फत 'मेडिसिन फ्रॉम दि स्काय', 'ड्रोन' च्या माध्यमातून तातडीची वैद्यकीय सेवा व औषधे पुरविणारे अपोलो पहिले रुग्णालय
Image
कारवाई नंतर अनधिकृत बांधकाम पुन्हा सुरू केल्यास आयपीसी कलमाव्दारे गुन्हा दाखल करण्याचे निर्देश
Image