भाजपा नगरसेवकावर अपात्रतेची कारवाई करण्याचे मुख्यमंत्री सचिवालयाचे निर्देश

भाजपा नगरसेवकावर अपात्रतेची कारवाई करण्याचे मुख्यमंत्री सचिवालयाचे निर्देश


नवी मुंबई - कोरोनाच्या ग्रहणातून देश जात असताना राज्य आणि केंद्र शासनाने घातलेले निर्बंध तुडवून वाढदिवसाची जंगी पार्टी आयोजित केल्याप्रकरणी भाजपा नगरसेवक अजय बहिरा यांच्याविरुद्ध राज्य शासनाचे नियम, ध्येय धोरणानुसार कारवाई करून अहवाल सादर करण्याचे निर्देश महसूलचे उपायुक्त तथा  कोकण विभागाच्या मुख्यमंत्री सचिवालयाचे पदसिद्ध विशेष कार्यकारी अधिकारी सिद्धराम सालीमठ यांनी महापालिका आयुक्त गणेश देशमुख यांना दिले आहेत.
               पनवेल संघर्ष समितीचे अध्यक्ष कांतीलाल कडू यांनी भाजपा नगरसेवक अजय बहिरा यांच्या गैरकृत्याचा पर्दाफाश करून त्यांना अपात्र ठरवण्याची मागणी महापालिका आयुक्त गणेश देशमुख यांच्यासह मुख्यमंत्री उद्धवजी ठाकरे यांच्याकडे केली होती. त्यानुसार ही कारवाई करण्याचे आदेश दिले आहेत. प्रभाग २० चे भाजपा नगरसेवक अजय बहिरा यांचा १० एप्रिलला वाढदिवस होतो. देशात लॉकडाउन आणि संचारबंदीचे कडक आदेश आणि अंमलबजावणी सुरू असताना बहिरा यांनी त्यांच्या इमारतीच्या टेरेसवर जंगी ओल्या पार्टीचे आयोजन केले होते.शहर पोलिसांनी छापा टाकून बहिरा आणि अन्य दहा जणांवर गुन्हे दाखल केले आहेत. बहिरा यांनी लोकप्रतिनिधीच्या कर्तव्यात कसूर करून सभ्येतेचे धिंडवडे काढले आहेत. त्यांनी केलेले अशोभनिय आणि गैरवर्तनामुळे महापालिकेची बदनामी झाली आहे. त्यामुळे त्यांना महापालिका अधिनियमा प्रमाणे अपात्र ठरवावे, अशी मागणी पनवेल संघर्ष समितीचे अध्यक्ष कांतीलाल कडू यांनी केली होती.कोकण विभागाच्या मुख्यमंत्री सचिवलयाने कडू यांच्या मागणीची दखल घेऊन महापालिका आयुक्तांना कारवाई करण्याचे निर्देश देत त्याचा अहवाल मुख्यमंत्री कोकण विभागीय कार्यालयास सादर करण्यास सांगितले आहे. त्यामुळे बहिरा यांच्यावर अपात्रतेची टांगती तलवार लटकत आहे.


 


Popular posts
लाखो सुरक्षा रक्षकांना सानपाडा सुरक्षा रक्षक मंडळात नोकरीची संधी एक जानेवारी २०२२ पासून नवीन नोंदणी प्रक्रियेला सुरवात राजे प्रतिष्ठान सुरक्षा रक्षक सेनेचा सुरक्षा रक्षकांच्या रोजगारासाठी पुढाकार
Image
रुग्णांना मिळणार 'इंटरनॅशनल सेकंड ओपिनियन' सेवा, ‘द-क्लिनिक बाय क्लीव्लॅंड क्लिनिक’ सोबत अपोलोने केला सहयोग करार
Image
नवी मुंबई मनपा आरोग्य विभागात करोडोंचा भरती घोटाळा, ७२ जणांवर कारवाईची टांगती तलवार
Image
बेरोजगार तरुणांसाठी भव्य रोजगार मेळावा,अनेक तरुण तरुणींना नोकरीची सुवर्णसंधी, राजे प्रतिष्ठान कामगार सेना व मॅजिक बस इंडिया फाउंडेशनच्या वतीने आयोजन
Image
महिलांचे लैंगिक छळापासून संरक्षण (प्रतिबंध मनाई व निवारण) अधिनियम २०१३ मधील तरतुदीनुसार प्रत्येक आस्थापनांमध्ये महिलांसाठी अंतर्गत तक्रार समितीचे गठन करणे अनिवार्य
Image