सिडकोच्या उपाध्यक्ष तथा व्यवस्थापकीय संचालक पदावर डॉ. संजय मुखर्जी रुजू

नवी मुंबई - सिडको महामंडळाच्या व्यवस्थापकीय संचालक पदावर भारतीय प्रशासकीय सेवेतील अधिकारी डॉ.संजय मुखर्जी आज रूजु झाले. त्यांनी मध्यानपूर्व सिडकोच्या मुंबईमधील निर्मल भवन कार्यालयात सिडकोचे पूर्वीचे उपाध्यक्ष तथा व्यवस्थापकीय संचालक लोकेश चंद्र यांच्याकडून सिडको महामंडळाच्या उपाध्यक्ष तथा व्यवस्थापकीय संचालक पदाची सूत्रे स्वीकारली. 
                या प्रसंगी सिडकोचे सहव्यवस्थापकीय संचालक अश्विन मुद्गल, सहव्यवस्थापकीय संचालक डॉ. प्रशांत नारनवरे, सहव्यवस्थापकीय संचालक अशोक शिनगारे व मुख्य दक्षता अधिकारी निसार तांबोली उपस्थित होते. सिडकोच्या सेवेत रुजू होण्यापूर्वी डॉ. संजय मुखर्जी वैद्यकीय शिक्षण, अन्न व औषध प्रशासन व सांस्कृतिक कार्य विभागात, सचिव या पदावर कार्यरत होते. 1996 च्या तुकडीतील महाराष्ट्र कॅडर मधील भारतीय प्रशासकीय सेवेतील अधिकारी डॉ. संजय मुखर्जी मूळचे नागपूरचे असून त्यांनी नागपूर येथील गव्हर्नमेंट मेडीकल कॉलेजमधून (बॅचलर ऑफ सर्जरी) एमबीबीएस, अहमदाबाद येथील इंडियन इन्स्टिट्यूट ऑफ मॅनेजमेंट येथून पब्लिक फायनॅन्सवर शॉर्ट टर्म कोर्स, इन्स्टिट्यूट ऑफ चार्टर्ड फायनॅन्शिअल ॲनालिस्ट ऑफ इंडिया येथून फायनॅन्स विषयात चार्टर्ड फायनॅन्शिअल ॲनालिस्ट व टोरॅन्टो विद्यापीठातून पब्लिक ॲमिनीस्ट्रेशन व फायनॅन्स विषयावर पदवी संपादन केल्या आहेत. डॉ. संजय मुखर्जी यांनी यापूर्वी मुंबई महानगरपालिकेत अतिरिक्त आयुक्त (प्रकल्प), राज्य उत्पादन शुल्क विभागात आयुक्त, महाराष्ट्र एयरपोर्ट डेव्हलपमेंट कंपनी येथे सहव्यवस्थापकीय संचालक, जळगाव महानगरपालिकेत आयुक्त तर नागपूर महानगरपालिका येथे अतिरिक्त आयुक्त म्हणून त्यांनी यशस्वीपणे कार्यभार सांभाळला आहे.


Popular posts
एन्फ्ल्यूएन्झा व कोव्हीड 19 आजाराच्या पार्श्वभूमीवर सतर्क राहण्याचे मनपाचे निर्देश , आरोग्य विभाग हा महापालिका आयुक्त राजेश नार्वेकर यांच्या मार्गदर्शनानुसार अलर्ट मोडवर
Image
‘स्वच्छ सर्वेक्षण 2023’ अंतर्गत रंगरंगोटी कामात लाखोंचा घोटाळा , झालेल्या कामाच्या मनपाकडून पुन्हा निविदा,निविदा रद्द करण्याची मागणी
Image
1500 हून अधिक सीसीटीव्ही कॅमेऱ्यांचा मनपा आयुक्त राजेश नार्वेकर यांच्याकडून आढावा , एएनपीआर कॅमे-याव्दारे स्वयंचलीत पध्दतीने वाहनांवरील नंबर प्लेट वाचन करता येणार , सिग्नल तोडणा-या तसेच वाहतुकीच्या इतर नियमांचा भंग करणा-या वाहनचालकांच्या घरी थेट दंडात्मक चलन फोटोसह
Image
सदगुरू परिवाराच्या साक्षीने सचिन धर्माधिकारी यांना मानद डॉक्टरेट पदवीने सन्मान, रेवदंड्याला माणूस घडविणारे विद्यापीठ , सचिन दादांचा डिलीट पदवीने सन्मान म्हणजे सदगुरु परिवारातील सदस्यांचा सन्मान - मुख्यमंत्री एकनाथ शिंदे
Image
राजे प्रतिष्ठान सुरक्षा रक्षक सेनेची अधिकृत स्थापना , गुढीपाडव्याचे औचित्य साधून नव्या महाराष्ट्र कार्यकारिणीची होणार घोषणा
Image