कोरोना आजारातील वापरलेले हातमोजे धुऊन पुन्हा विकणाऱ्या इसमाला अटक 


नवी मुंबई - कोरोना रुग्णांवर उपचार करण्यासाठी वापरण्यात आलेले हातमोजे पुन्हा धुऊन विक्रीसाठी तयार करणाऱ्या इसमाला नवी मुंबई गुन्हे शाखेकडून अटक करण्यात आली आहे. या प्रकरणी सदर इसमावर तुर्भे पोलीस ठाण्यात गुन्हा दाखल करण्यात आला आहे.वापरण्यात आलेले रबरी मोजे कोठून आणण्यात आले होते ते धुऊन कोठे वितरित होणार होते,यात एखाद्या टोळीचा सहभाग आहे का याचा नवी मुंबई गुन्हे शाखेकडून शोध घेण्यात येत आहे.
                प्रशांत सुर्वे असे अटक करण्यात आलेल्या इसमाचे नाव असून तो सीबीडी बेलापूर या ठिकाणी राहणारा आहे.पावणे एमआयडीसी मधील गामी इंडस्ट्रियल पार्क मध्ये काही इसम कोरोना रुग्णाच्या उपचारा करीता वापरण्यात आलेले निळ्या रंगाचे हातमोजे नष्ट करणे आवश्यक असतांना बेकायदेशीरपणे ते पुन्हा धुऊन वापरत असल्याची माहिती पोलिसांना मिळाली.या माहितीच्या आधारे पोलिसांनी त्या ठिकाणी छापा मारला.व त्या ठिकाणी चौकशी केली असता लिक्विड सोप व अन्य केमिकल्सने वाशिंग मशींगमध्ये धुऊन हातमोजे वाळवून पुन्हा ते नवीन पाकिटात पॅक केले असल्याचे दिसून आले.अश्या त्या ठिकाणी एकूण २६३ गोण्या अंदाजे ३ ते ४ क्विंटल हातमोजे आढळून आले.सुमारे ४ लाख रुपये किमतीचे असे ते हातमोजे पोलिसांनी ताब्यात घेतले.तर धुण्यासाठी आणण्यात आलेले एकूण १७ बॉक्स ही त्या ठिकाणी आढळून आले.यावर पोलिसांनी धुण्यासाठी आणण्यात आणलेले हातमोजे ,धुऊन तयार करण्यात आलेले हातमोजे दोन वाशिंग मशीन,पैकींगचे साहित्य असा एकूण ६,१०,७२०/- रुपयांचा ऐवज हस्तगत केला आहे.स्वतःच्या आर्थिक फायद्यासाठी कोरोना रोगाच्या वाईट परिस्थितीचा गैरफायदा घेऊन सर्वसामान्य जनतेच्या आरोग्याशी खेळणाऱ्या या टोळीचा पर्दाफाश करण्यात अखेर नवी मुंबई पोलिसांना यश आले आहे.


Popular posts
पुण्यातून 'अपोलो' बेलापूरपर्यंत हृदय फक्त ८३ मिनिटांत, २९ वर्षांच्या तरुणावर हृदय प्रत्यारोपण शस्त्रक्रिया यशस्वीपणे पार
Image
वनराई नष्ट करून एम.आय.डी.सी प्राधिकरणाची प्रदूषणाकडे वाटचाल, हजारो वृक्षांची कत्तल, अधिकारी गप्प ?, कायद्याचे रक्षकच बनले कायद्याचे भक्षक, एम.आय.डी.सी.कडून परवानगी नसतांनाही कंत्राटदाराकडून वृक्षतोड
Image
एमआयडीसी प्रशासनाविरोधात प्रकल्पग्रस्त वृद्ध महिलेचे सोमवारपासून उपोषण, प्रादेशिक अधिकारी सतीश बागल यांच्यावर गुन्हा दाखल करून अटक करण्याची मागणी, भूखंड घोटाळ्याप्रकरणी साष्टे परिवार आक्रमक,न्याय मिळेपर्यत सुरु ठेवणार आंदोलन
Image