राज्य विधिमंडळाचे पावसाळी अधिवेशन सध्या सुरु आहे. या अधिवेशनात रिपब्लिक टीव्हीचे संपादक अर्णब गोस्वामी यांच्या विरोधात हक्कभंग प्रस्ताव मांडण्यात आला. विधिंडळ सभागृहात या प्रस्तावावर बोलत असताना राज्याचे परिवहन मंत्री अनिल परब यांनी अर्णब गोस्वामी यांच्याविषयी अपशब्द वापरले, असे सांगत वेब मीडिया असोशिएशनने याबाबत निषेध व्यक्त केला आहे. राज्यातील कोणत्याही पत्रकाराबाबत असे शब्द वापरणे म्हणजे सर्व पत्रकार बांधवांचा हा अपमान आहे. हा अपमान खवपून घेतला जाणार नाही,असेही वेब मीडिया असोशिएशनने ठणकाऊन सांगितले.रिपब्लिक टिव्हीचे संपादक अर्णब गोस्वामी यांच्याविरुद्ध विधिमंडळात हक्कभंग प्रस्ताव दाखल करण्यात आला. या प्रस्तावावर बोलताना परीवहन मंत्री अनिल परब यांनी गोस्वामी यांच्याबद्दल सुपारी घेऊन काम करणारा पत्रकार. टीनपाट पत्रकार असे शब्द वापरले. हे शब्द म्हणजे राज्यातील पत्रकार बांधवांचाच अपमान आहे. प्रसारमाध्यमांनी सरकार विरोधात बोलू नये. सरकारचा हालगर्जीबणा ध्यानात आणून देऊ नये, असाच सरकारचा प्रयत्न करत आहे, असा आरोपही वेब मीडिया असोसिएशनने केला आहे.दरम्यान, एखादा पत्रकार चुकला असेल तर त्यावर कायदेशीर कारवाई जरुर करण्यात यावी. पण राज्याच्या एखाद्या जबाबदार मंत्र्याने विधानसभेच्या सभागृह मध्ये असभ्य भाषा वापरणे कितपत योग्य आहे?, असा सवालही असोशिएशनने उपस्थित केला आहे.दरम्यान, शिवसेना खासदार संजय राऊत यांच्यावरही निशाणा साधत वेब मीडिया असोसिएशनने म्हटले की, हेच पत्रकार बांधव तुम्हाला दिवसभर दाखवत असतात. आता पत्रकारांबाबत अपशब्द काढले जातात तर त्यावेळी संजय राऊत कोठे गेले असा सवालही विचारला आहे. दरम्यान, वेब मीडिया अर्णब गोस्वामी पाठीशी ठामपणे उभा आहे असे सांगतानाच पत्रकारांबाबत अपशब्द वापरणाऱ्यांना जनाताच धडा शिकवेल, असे वेब मीडिया असोसिएशनने म्हटले आहे.
लोकशाहीचा आवाज दाबण्याचा प्रयत्न करणाऱ्या सरकारचा जाहीर निषेध- अनिल महाजन
• Yogesh dnyneshwar mahajan
.jpg)
