ग्रीन होपच्या वतीने स्वच्छता व वृक्षारोपण अभियान


नवी मुंबई - गत वर्षी भारत स्वच्छ सर्वेक्षण मोहिमेत महाराष्ट्रात प्रथम क्रमांक कायम राखत देशात तिसऱ्या क्रमांकावर नवी मुंबई शहराने झेप घेतली. या वर्षी या सर्वेक्षणात प्रथम क्रमांकाचे ध्येय नजरेसमोर ठेवण्यात आले आहे. त्या अनुषंगाने नवी मुंबईकर आणि येथील विधायक संस्थांनी कंबर कसली असून नवी मुंबईच्या हिरवाईत भर घालणाऱ्या ग्रीन होप संस्थेतर्फे मंगळवार 1 डिसेंबर पासून भारत स्वच्छ सर्वेक्षण मोहिमेअंतर्गत स्वच्छता अभियान आणि वृक्षारोपण मोहिम सुरू करण्यात येणार आहे.

                   शहराचा विकास होत असताना येथील पर्यावरणाचे देखील रक्षण झाले पाहिजे या धोरणाचे पुरस्कारकर्ते आमदार गणेश नाईक यांच्या प्रमुख उपस्थितीत या मोहिमेचा शुभारंभ कोपरखैरणे रेल्वे स्थानक परिसरात सकाळी 10 वाजता होणार आहे. माजी खासदार डाॅ. संजीव नाईक, ग्रीन होप संस्थेचे अध्यक्ष तथा माजी आमदार संदीप नाईक, माजी महापौर सागर नाईक, रेल्वेचे वरिष्ठ अधिकारी सी.डी.पगारे, संदीप तिवारी, निरज झा या मान्यवरांसह लोकप्रतिनिधी, निसर्गप्रेमी नागरिक, विविध संस्थांचे प्रतिनिधी, विद्यार्थी आणि स्थानिक नागरिक या कार्यक्रमास उपस्थित राहणार आहेत. कोरोना विषयक खबरदारी पाळून हा कार्यक्रम पार पडणार आहे.1 डिसेंबर ते 14 डिसेंबर या कालावधीत हि मोहिम हाती घेण्यात आली आहे.ऐरोली, रबाळे, घणसोली, कोपरखैरणे, तुर्भे, वाशी, जुईनगर, नेरूळ, सीवूड-दारावे, सीबीडी-बेलापूर अशा नवी मुंबईतील सर्वच रेल्वे स्थानक परिसरात स्वच्छता अभियान हाती घेवून या परिसरात उपयुक्त व जगतील अशा झाडांची रोपे लावण्यात येणार आहेत.आ.नाईक संस्थापित ग्रीन होप ही निसर्गसंवर्धन करणारी स्वयंसेवी संस्था असून या संस्थेने वृक्षारोपण मोहिमा, मोफत वृक्षरोपांचे वाटप, खारफुटी रोपण, विद्यार्थ्यांमध्ये विविध स्पर्धांमधून निसर्गरक्षणाची जाणिव दृढ करणे इत्यादी उपक्रम आतापर्यत यशस्वीपणे राबविले आहेत.

Popular posts
बृहन्मुंबई व ठाणे जिल्हा सुरक्षा रक्षक मंडळात राजे प्रतिष्ठान कामगार सेनेची नोंदणी
Image
राजे प्रतिष्ठाण वाहतूक सेनेच्या पहिल्या रिक्षा स्टॅन्डचे नवी मुंबईत उदघाटन
Image
प्रतीक्षा (वेटिंग) यादीवरील सुरक्षा रक्षकांसाठी राजे प्रतिष्ठाण सुरक्षा रक्षक सेना आक्रमक
Image
अपोलो मार्फत 'मेडिसिन फ्रॉम दि स्काय', 'ड्रोन' च्या माध्यमातून तातडीची वैद्यकीय सेवा व औषधे पुरविणारे अपोलो पहिले रुग्णालय
Image
कारवाई नंतर अनधिकृत बांधकाम पुन्हा सुरू केल्यास आयपीसी कलमाव्दारे गुन्हा दाखल करण्याचे निर्देश
Image