नेरूळ, पाम बीच व सीबीडी बेलापूर मध्ये ११६ वीजचोर, तब्बल २४ लाखाची वीजचोरी उघडकीस


बेलापूर वार्ताहर - महावितरणच्या भांडूप परिमंडळात वीजचोरीवर आळा घालण्यासाठी नोव्हेंबर २०२० पासून विशेष मोहीम राबविण्यात येत असून त्या अंतर्गत गेल्या दोन महिन्यात भांडूप परिमंडळातील नेरूळ विभागाने ११६ प्रकरणात तब्बल २४ लाखाची वीजचोरी उघडकीस आणली आहे.या वीजचोरट्यांवर कलम १३५ नुसार कारवाई करण्यात आली असून एकूण २४ लाखाची वीजचोरी उघडकीस आली आहे.

               मुख्य अभियंता यांच्या आदेशानुसार, वाशी मंडळचे अधीक्षक अभियंता राजाराम माने यांच्या मार्गदर्शनाखाली व नेरूळ विभागाचे कार्यकारी अभियंता सिंहाजीराव गायकवाड यांच्या नेतृत्वात महावितरणच्या नेरूळ विभागातील नेरूळ, पाम बीच, सीबीडी बेलापूर उपविभागात वीज चोरांवर कारवाई करण्यासाठी विशेष मोहीम हाती घेण्यात आली. या ठिकाणी वीज जोडणी तपासल्यावर ११६ वीजचोरीचे प्रकरण समोर आले. ज्यामध्ये वीज कायदा २००३ च्या कलम १२६ नुसार २३ प्रकरणात २.५३ लाखाची वीजचोरी पकडण्यात आली. तसेच कलम १३५ नुसार ९३ प्रकरणात १६५२२८ युनिटची २१.४८ लाखाची वीजचोरी पकडण्यात आली असून नेरूळ विभागात एकूण २४ लाखाची वीजचोरी उघडकीस आली आहे. मीटर मध्ये फेरफार करणे, मीटर मध्ये रेझिस्टन्स टाकणे, चेंज ओव्हर स्वीचचा वापर करून मीटर बायपास करणे, सर्विस वायरला टॅप करून वीजचोरी करणे अशा प्रकारची विविध प्रकरणे उघडकीस आली आहेत. तरी ग्राहकांनी अमिषाला न बळी पडता प्रामाणिकपणे विजेचा वापर करावा. वीजचोर म्हणून समाजातही प्रतिष्ठा कमी होतेच परंतु आपल्या मुलांच्या समोरही चोरीचाच आदर्श ठेवणे अयोग्य आहे, असे आवाहन मुख्य अभियंता सुरेश गणेशकर यांनी केले आहे व यापुढे सुद्धा वीजचोरांविरुद्ध मोहीम अधिक तीव्र करणार असल्याचे सांगितले. वीज चोरांमुळे प्रामाणिकपणे वीजबिल भरणाऱ्या ग्राहकांना त्रास होतोच तर कंपनीचे आर्थिक नुकसान ही होते. त्यामुळे वीजचोरी करणाऱ्यांवर कायदेशीर कारवाई करण्याची ताकीद सर्व अधिकारी व कर्मचार्यांना, मुख्य अभियंता सुरेश गणेशकर यांनी यापूर्वीच दिलेली आहे. तसेच, विहित मुदतीत वीजबिलसह दंडाची रकम न भरल्यास वीजचोरांविरुद्ध गुन्हा दाखल करण्यात येईल, असे नेरूळ विभागातर्फे स्पष्ट करण्यात आले आहे.  

Popular posts
मनपाच्या कारवाई नंतर शिरवणे गावातील इमारतीचे बांधकाम पुन्हा सुरु
Image
सानपाडा गावातील अनधिकृत इमारतीला सिडकोची नोट
Image
मे.ग्रीनस्कॅप आयटी पार्क एलएलपी कंपनीला एम आय डी सी ची नोटीस, कारवाईची टांगती तलवार
Image
कोपरखैरणे विभागाची कामगिरी कौतुकास्पद ? , तक्रार प्राप्त अनधिकृत इमारतीला आशीर्वाद, तर दुसऱ्यावर कारवाई , अनधिकृत इमारत कधी पूर्ण होणार याची अधिकाऱ्यांना प्रतीक्षा ?
Image
भ्रष्टाचारी अधिकाऱ्यांमुळे नवी मुंबई महानगरपालिका कलंकीत , स्वछ सर्वेक्षण, देखभाल दुरुस्ती, अतिक्रमण घोटाळे आघाडीवर , मुंबई मनपा च्या धर्तीवर नवी मुंबईतील घोटाळ्यांची मुख्यमंत्री एकनाथ शिंदे चौकशी करणार का ?
Image