स्थानिकांना अंधारात ठेऊन नगरसेवकांचा विकासकामांचा शुभारंभ - ऍड.निलेश भोजने

नवी मुंबई - प्रभागात होत असलेल्या कामांची माहिती स्थानिक लोकप्रतिनिधीने नागरिकांना देणे गरजेचे असतांना ती लपवली जात असल्याची माहिती ऍड.निलेश भोजने यांनी वाशी येथे झालेल्या पत्रकार परिषदेत दिली. याविषयी माजी नगरसेविका दिव्या गायकवाड यांना विचारणा केली असता त्यांनी माहिती देण्याऐवजी भोजने यांना गुंड म्हणून संबोधल्याने भोजने यांनी नाराजी व्यक्त केली आहे.त्याचबरोबर मनपाचा कोणताही अधिकारी त्या ठिकाणी उपस्थित नसतांना गायकवाड यांचा उदघाटन करण्याचा घाट का असाही प्रश्न भोजने यांनी उपस्थित केला आहे.

                     वाशी सेक्टर ६ येथे जुन्या पाण्याच्या टाकीचे बांधकाम तोडून त्या ठिकाणी नवीन पाण्याच्या टाकीचे  बांधकाम मनपाकडून सुरु करण्यात आले आहे.तर या कामाचे भूमिपूजन होत असतांनाही माजी नगरसेविका दिव्या गायकवाड व माजी नगरसेवक वैभव गायकवाड यांनी स्थानिक नागरिकांना विश्वासात घेतले नाही.यावर आम्ही त्यांना विचारणा करण्यासाठी गेलो असता त्यांनी या कामाची माहिती देण्याऐवजी मला गुंड म्हणून संबोधले. महापालिका निवडणुकीच्या अनुषंगाने प्रभागातील प्रतिष्ठित नागरिकांची बदनामी करण्याचा घाट या नगरसेवकांमार्फत सुरु असून राजकीय सूडबुद्धीने सदर प्रकार करण्यात आला असल्याचा आरोपही भोजने यांनी केला आहे.ज्यावेळी पाण्याच्या टाकीच्या कामाचा शुभारंभ झाला त्यावेळी त्या ठिकाणी मनपाचा कोणताही अधिकारी त्या ठिकाणी नव्हता.याची माहिती मिळताच भोजने यांनी तत्काळ त्या ठिकाणी धाव घेतली.व विचारणा केली असता गायकवाड यांनी माहिती देण्यास नकार देत अरेरावीची भाषा वापरली असल्याचीही माहिती भोजने यांनी दिली. 


पाण्याची टाकी बांधण्याच्या कामाची वर्क ऑर्डर असून पालिकेने काम सुरु केले आहे.त्यामुळे ते कामाचे उद्घाटन करण्यात येत आहे.त्या ठिकाणी राहत नसणारे गृहस्थ मुद्दामहून कामामध्ये खोडा घालण्याचे काम करत असून बिनबुडाचे आरोप करत आहेत.त्याच्या आरोपात काहीच तथ्य नसल्याचे माजी नगरसेविका दिव्या गायकवाड यांनी सांगितले.


Popular posts
बृहन्मुंबई व ठाणे जिल्हा सुरक्षा रक्षक मंडळात राजे प्रतिष्ठान कामगार सेनेची नोंदणी
Image
राजे प्रतिष्ठाण वाहतूक सेनेच्या पहिल्या रिक्षा स्टॅन्डचे नवी मुंबईत उदघाटन
Image
प्रतीक्षा (वेटिंग) यादीवरील सुरक्षा रक्षकांसाठी राजे प्रतिष्ठाण सुरक्षा रक्षक सेना आक्रमक
Image
अपोलो मार्फत 'मेडिसिन फ्रॉम दि स्काय', 'ड्रोन' च्या माध्यमातून तातडीची वैद्यकीय सेवा व औषधे पुरविणारे अपोलो पहिले रुग्णालय
Image
कारवाई नंतर अनधिकृत बांधकाम पुन्हा सुरू केल्यास आयपीसी कलमाव्दारे गुन्हा दाखल करण्याचे निर्देश
Image