नवी मुंबई : युवासेनेच्या पहिल्या कार्यालयाचे रविवारीकोपरखैरणे येथे उदघाटन करण्यात आले. नवी मुंबईमध्ये तरुणांच्या प्रश्नांना वाचा फोडण्यासाठी ऐरोली मतदारसंघातील युवासैनिकांनी नेहमीच पुढाकार घेतला आहे. विधानसभा अधिकारी चेतन नाईक यांच्या मार्गदर्शनाखाली युवासेनेचे कार्य जोमाने सुरु आहे. त्यानुसार कार्यालयाचे उद्घाटन शहर प्रमुख प्रविण म्हात्रे, मा.नगरसेवक ममित चौगुले व उप जिल्हा संघटक वैशाली घोरपडे यांच्याहस्ते करण्यात आले.या कार्यालयातून कोपरखैरणे व ऐरोली परिसरातील प्रश्न सोडवण्याचा प्रयत्न करू असा शब्द ऐरोली विधानसभा समन्वयक दीपक दळवी यांनी दिला. याप्रसंगी कोपरखैरणेतील अनेक नागरिक, पदाधिकारी व शिवसैनिक उपस्थित होते.
