नवी मुंबई : मी मेलो तर माझ्या मुलाची कर्जातून मुक्तता होईल,त्यांना पॉलीसीचे पैसे मिळतील या विचारातून कर्जाला कंटाळलेल्या इसमाने शुक्रवारी सकाळी १० च्या सुमारास वाशी खाडी पुलावरुन उडी मारुन आत्महत्या करण्याचा प्रयत्न केला.यावेळी कर्तव्यावर असलेल्या वाहतूक अधिकाऱ्यांनी वेळीच मदत केल्याने त्या व्यक्तीला वाचवण्यात यश आलं आहे. नवी मुंबईतील वाहतूक पोलिसांनी प्रसंगावधान राखत कोळी बांधवांच्या मदतीने या व्यक्तीचे प्राण वाचवले. सध्या त्याच्यावर सरकारी रुग्णालयात उपचार सुरु आहेत.
