वेटिंग लिस्ट वरील सुरक्षा रक्षकांसाठी राजे प्रतिष्ठान सुरक्षा रक्षक सेना आक्रमक , सानपाडा सुरक्षा रक्षक मंडळाला १५ नोव्हेंबर पर्यंतची डेडलाईन - योगेश महाजन

वेटिंग लिस्ट वरील सुरक्षा रक्षकांसाठी राजे प्रतिष्ठान सुरक्षा रक्षक सेना आक्रमक 

सानपाडा सुरक्षा रक्षक मंडळाला १५ नोव्हेंबर पर्यंतची डेडलाईन - योगेश महाजन 

नवी मुंबई :- बृहन्मुंबई व ठाणे जिल्हा सुरक्षा रक्षक मंडळाच्या भोंगळ तसेच स्वार्थी कारभाराचा फटका प्रतीक्षा यादीवरील असलेल्या सुरक्षा रक्षकांना पडत असून या पुढे ते कदापिही खपवून घेतले जाणार नाही,असा इशारा देत येत्या १५ नोव्हेंबर पर्यंत प्रतीक्षा यादीवरील सर्वच सुरक्षा रक्षकांना कामे द्या,त्यानंतर कोणतेही कारण ऐकून घेतले जाणार नाही असा इशारावजा अल्टिमेटम राजे प्रतिष्ठान सुरक्षा रक्षक सेनेचे महाराष्ट्र राज्य अध्यक्ष योगेश महाजन यांनी बृहन्मुंबई व ठाणे जिल्हा सुरक्षा रक्षक मंडळाला दिला आहे.१५ नोव्हेंबर नंतर प्रतीक्षा यादी संपुष्टात न आल्यास विविध पद्धतीने आंदोलने दररोज करण्यात येतील असेही यावेळी योगेश महाजन यांनी स्पष्ट केले आहे.

                कोरोना काळात कामे नसल्याने अनेकांना मोठ्या संकटांचा सामना करत उदरनिर्वाह करावा लागला.आज कुठे परिस्थिती सावरू लागली असता पुन्हा एकदा प्रतीक्षा यादीवरील सुरक्षा रक्षकांच्या कामाबाबत अपेक्षा वाढल्या आहेत.त्याचबरोबर शेकडो आस्थापना पुन्हा सुरु झाल्या.तरीही मंडळ जबाबदारी विसरू लागल्याने त्यांना त्यांच्या जबाबदारीची जाणीव करून देण्यासाठी तसेच प्रतीक्षा यादीवरील सुरक्षा रक्षकांच्या कामासाठी राजे प्रतिष्ठान सुरक्षा रक्षक सेनेने पुढाकार घेतला आहे.यासाठी मंडळाचे अध्यक्ष अशोक डोके यांच्यासोबत शुक्रवारी सायंकाळी चार वाजता बैठकीचे आयोजन करण्यात होते त्यावेळी प्रामुख्याने या विषयावर चर्चा करण्यात आली.त्याचबरोबर सन २०२० नंतर जी पगारवाढ झाली नाही ती वाढ चार हजार रुपयांनी करून येत्या डिसेंबर नंतर लागू करण्यात यावी अशी मागणी करण्यात आली.त्यावर पगारवाढीची चर्चा वरिष्ठ पातळीवर सुरु असून लवकरच ती जाहीर करण्यात येईल असे यावेळी डोके यांनी सांगितले.वेटिंग मारण्यासाठीही अनेकांना त्रास सहन करावा लागत असल्याने याबाबत आस्थापनांना सूचना केल्या जातील असेही यावेळी त्यांनी सांगितले.आस्थापनांकडून सिलेक्शन व वेटिंग चा रिपोर्ट वेळेवर मिळत नसल्याने त्याचा त्रास सुरक्षा रक्षकांना सहन करावा लागतो.मात्र यापुढे असे होणार नाही त्यावर तत्काळ कार्यवाही करण्यात येईल असेही यावेळी डोके यांनी स्पष्ट केले.यावेळी राजे प्रतिष्ठान सुरक्षा रक्षक सेनेकडून नियमबाह्य काम करणाऱ्या आस्थापनांची यादी मंडळाला देण्यात आली.त्या यादीवर निरीक्षक करून १५ दिवसात कार्यवाही करत त्या ठिकाणी चार हजार वेटिंग वर असणाऱ्या प्रतीक्षा यादीवरील सुरक्षा रक्षकांना कामे देण्यात यावीत अशी मागणी महाजन यांनी केली आहे.


Popular posts
सिडकोच्या इमारत पुनर्बांधणी धोरणामध्ये महत्वपूर्ण बदल, १०० % ऐवजी केवळ ५१% सभासदांच्या संमतीने करता येणार इमारतींचा पुनर्बांधणी
Image
पोलीस असल्याचे सांगून बलात्कार करणाऱ्या तोतया पोलिसाला अटक
Image
८६ हजार वीज कर्मचारी,अभिंयते,अधिकारी व ४२००० कंत्राटी कामगार यांचा अदानी या खाजगी भांडवलदारांच्या विरोधात संपाची हाक , महाराष्ट्र राज्य वीज कामगार अभियंते अधिकारी संघर्ष समितीतर्फे संपाची हाक.
Image
प्रलंबित पगारवाढीवरून राज्यातील हजारो सुरक्षा रक्षक संभ्रमात , नेमकी दिशाभूल कोणाची संघटनांची कि शासनाची ?
Image
१६ वी रायन झोनल ऍथलेटिक मीट २०२३ पार , तरुण यशवंतांचा सत्कार करण्यासाठी विस्तृत पारितोषिक वितरण समारंभ आयोजित
Image