मराठी राजभाषा दिनानिमित्त ‘पोलीस तिथं पुस्तक’ नवी मुंबई मनसेचा उपक्रम, सात पोलिस स्टेशनला पुस्तक लायब्ररीच वाटप

नवी मुंबई :- महाराष्ट्र नवनिर्माण सेनेचे अध्यक्ष राजसाहेब ठाकरे यांनी मराठी भाषा दिन महाराष्ट्रात भव्य स्वरूपात करण्याचा आदेश मनसे पदाधिकाऱ्यांना दिला होता. त्याचाच एक भाग म्हणून नवी मुंबई मनसेने यापूर्वी एक लाख नवी मुंबईकरांना पोस्ट कार्डद्वारे मराठी भाषा दिनाच्या शुभेच्छा देण्याचा संकल्प केलेला आहे. त्याचबरोबर नवी मुंबई शहरातील एकूण अकरा पोलीस स्टेशनपैकी पहिल्या टप्प्यात बेलापूर, एन.आर.आय, सागरी, नेरूळ, तुर्भे, सानपाडा, वाशी व कोपरखैरणे पोलीस स्टेशनला 'पोलीस तिथे पुस्तक' या अभिनव उपक्रमाअंतर्गत मराठी भाषा दिनानिमित्त पुस्तकांची लायब्ररी भेट देण्यात आली. सदर वेळी पोलीस अधिकारी यांचा सन्मान देखील करण्यात आला. तसेच पोलिसांना मराठी भाषा दिनाच्या पोस्टकार्ड व गुलाब देत शुभेच्छा देण्यात आल्या. पहिला टप्पा जरी आज पार पडला असला तरी लवकरच दुसऱ्या टप्प्यात उर्वरित पोलीस स्टेशनला लायब्ररी भेट देण्यात येणार असल्याचे गजानन काळे यांनी सांगितले.

                      "सदरक्षणाय खलनिग्रहणाय" या उक्तीप्रमाणे नेहमीच पोलीस काम करत असतात. कोरोना काळात देखील पोलिसांनी दिवस-रात्र केलेले काम आपण सर्वांनी अनुभवले आहे. समाजाच्या संरक्षणाची जबाबदारी पार पाडत असताना कामांचा ताण, बंदोबस्त, वेळी-अवेळी जेवण व अनेकदा अपुरी झोप अशा सगळ्या गोष्टींचा सामना खाकी वर्दीतला हा माणूस करत असतो. त्यांनाही या सगळ्यातून थोडावेळ शांतता मिळावी चांगली पुस्तकं वाचताना चांगल्या विचारांची त्यांना साथ मिळावी ताण तणावातून थोडा वेळ का होईना सुटका होऊन पोलिसांची पुस्तकां सोबत मैत्री व्हावी हाच या अभिनव उपक्रमाचा उद्देश असल्याचे गजानन काळे यांनी सांगितले.या पुस्तक लायब्ररीमध्ये आरोग्य संबंधीची काही पुस्तके थोर व्यक्तींची चरित्रे काही वैचारिक तर काही कथा कादंबरी यांचा समावेश करण्यात आला. मनसेने भेट दिलेल्या लायब्ररीचे पोलिसांनी देखील कौतुक करत कामातून वेळ मिळेल तसा पुस्तकांचे वाचन करणार असल्याचे सांगितले. या लायब्ररी भेट प्रसंगी शहर अध्यक्ष गजानन काळे, मनसेच्या महिला शहर अध्यक्ष डॉ आरती धुमाळ, उपशहर अध्यक्ष प्रसाद घोरपडे, शहर सचिव सचिन कदम, विलास घोणे, सहसचिव अभिजीत देसाई, अमोल इंगोले, शैलेश भुतडा, दिनेश पाटील, शहर संघटक संदीप गलुगडे, सनप्रीत तुर्मेकर, सागर नाईकरे, किरण सावंत, विद्यार्थी सेनेचे शहर अध्यक्ष संदेश डोंगरे, विभाग अध्यक्ष अमोल आयवळे, भूषण कोळी, चंद्रकांत मंजुळकर, सागर विचारे, अभिलेश दंडवते, चंद्रकांत डांगे, नितीन नाईक, विशाल चव्हाण, सुहास मिंडे, उमेश गायकवाड, अक्षय भोसले, विनोद पाखरे उपस्थित होते.


Popular posts
शिरवणे गावातील बेकायदेशीर लॉजिंगला आशीर्वाद कोणाचा ? , ग्रामस्थांची नाराजी तर मनपाची कारवाईला दिरंगाई
Image
भारतातील सर्वात मोठा 'नमो कुस्ती महाकुंभ जामनेर मध्ये, भारतातील दिग्गज पैलवानांमध्ये एकाच मंचावर घमासान
Image
केटी ग्रुप, एलके ग्रुप व मिलेनियम इन्फ्रावर कारवाई करण्याची मागणी, सिडको व महारेरा ची फसवणूक, ग्राहकांचे करोडो रुपये परत देण्याची मागणी, कारवाई न झाल्यास सिडको कार्यालयासमोर आत्मदहन
Image
वनराई नष्ट करून एम.आय.डी.सी प्राधिकरणाची प्रदूषणाकडे वाटचाल, हजारो वृक्षांची कत्तल, अधिकारी गप्प ?, कायद्याचे रक्षकच बनले कायद्याचे भक्षक, एम.आय.डी.सी.कडून परवानगी नसतांनाही कंत्राटदाराकडून वृक्षतोड
Image
दिवाळी अगोदर अनधिकृत बांधकामे पूर्ण करण्यासाठी भूमाफिया आक्रमक , अतिक्रमण अधिकाऱ्यांची दिवाळी जोमात ? , लवकर कामे पूर्ण करा, विभाग कार्यालयाकडून छुपा आदेश ?
Image