डी वाय पाटील प्रशासनाने उघडकीस आणला प्रकार
नवी मुंबई :- डी वाय पाटील स्टेडियम मधील आयपीएल मॅच बघण्यासाठी अग्निशमन विभागाच्या कर्मचाऱ्यांनी मित्र, नातेवाईक अथवा लहान मुले यांना चक्क फायर ब्रिगेडच्या गाडीमधील इंजिनमध्ये बसवुन स्टेडियम मध्ये मॅच बघण्यासाठी नेल्याची घटना उघडकीस आली आहे.सदर बाब प्रशासनाच्या निदर्शनास आली असता अश्या कर्मचाऱ्यांवर कारवाई करण्याचा इशारा देण्यात आला आहे.डी वाय पाटील स्टेडियम मध्ये २७ मार्च पासून आयपीएलचे सामने सुरु आहेत.यावेळी खासगी सुरक्षा रक्षकांसह नवी मुंबई पोलिसांचा कडेकोट बंदोबस्त आहे.स्टेडियम मध्ये जातांनाही गेटवर तिकीट चेक करूनच आत सोडत असल्याने नवी मुंबई अग्निशमन विभागाच्या कर्मचाऱ्यांनी आयपीएलची मॅच बघण्यासाठी वेगळीच शक्कल लढवली.आपल्या मित्र, नातेवाईक किंवा लहान मुलांना थेट फायर ब्रिगेडच्या गाडीतील फायर इंजिनमध्ये बसवून स्टेडियममध्ये प्रवेश दिला.गेले अनेक दिवस हा प्रकार सुरु असतांना सदर बाब प्रशासनाच्या निदर्शनास आली. त्यावर गैरकृत्य करणाऱ्या अश्या या कर्मचाऱ्यांवर चपराक बसावी म्हणून नवी मुंबई मनपाचे विभागीय अग्निशमन अधिकारी यांनी कर्मचाऱ्यांना आदेश जारी केला.की नेरुळ डी वाय पाटील स्टेडियम मध्ये सुरु असलेल्या आय पी एल क्रिकेट मॅच बंदोबस्ताकरिता असणारे विभागातील कर्मचारी हे आपले मित्र, नातेवाईक किंवा लहान मुलांना मॅच पाहण्यासाठी थेट फायर इंजिनमध्ये बसवून स्टेडियममध्ये प्रवेश करीत आहेत.यावर वरिष्ठ पातळीवर संबंधितांवर नियमानुसार कारवाई करण्यात येईल.असा इशारा लेखी स्वरूपात देण्यात आला आहे .यावर कुंपणच शेत खात असल्याचा प्रकार चव्हाट्यावर आल्याने भविष्यात एखादी गंभीर घटना घडल्यास त्याला जबाबदार कोण असा प्रश्न उपस्थित झाला आहे.
कोट :- डॉ.डी वाय पाटील मधील काही कर्मचाऱ्यांनी वरील प्रकार आमच्या निदर्शनास आणून दिला यावर तत्काळ दखल घेत बंदोबस्त वर असणाऱ्या अग्निशनम कर्मचाऱ्यांसाठी आदेश जारी करण्यात आला.व पुन्हा असा प्रकार घडल्यास कारवाई करण्यात येईल असा इशारा देण्यात आला.
शिरीष आराधवड - मुख्य अग्निशमन अधिकारी, नवी मुंबई महानगरपालिका
.jpg)
.jpg)
