पोलीस असल्याचे सांगून बलात्कार करणाऱ्या तोतया पोलिसाला अटक

नवी मुंबई :- पोलीस असल्याची बतावणी करून पीडित महिलेवर बलात्कार करणाऱ्या तोतया पोलिसाला सानपाडा पोलिसांनी अटक केली आहे.त्या तोतया पोलिसांवर रिव्हॉल्वर चा धाक दाखवुन जीवे ठार मारण्याची धमकी,खंडणी यासह अनेक गुन्हे दाखल आहेत.पीडित महिलेसह अजून किती जणांची या तोतया पोलिसाने फसवणूक केली आहे पोलीस याचा तपास करत आहेत.

गुरुपाल सिंग पहूजा असे अटक करण्यात आलेल्या तोतया पोलिसाचे नाव असून तो नेरुळ मध्ये राहणार आहे.त्याच्यावर रिव्हॉल्वर चा धाक दाखवुन,जीवे ठार मारण्याची धमकी देत पीडित महिला तसेच तिच्या बहिणीवर सहकाऱ्यांना बलात्कार करायला सांगेन अशी धमकी देणे,खंडणी स्वरूपात पैसे घेणे असे गुन्हे दाखल आहेत.गुरुपाल पहूजा हा सानपाडा सेक्टर ३०, ब्लीस स्पा या ठिकाणी येऊन त्याच्याजवळील रिव्हॉल्वर चा धाक दाखवुन,जीवे ठार मारण्याची धमकी देऊन तसेच पीडित महिला यांना त्यांच्या बहिणीवर सहकाऱ्यांच्या माध्यमातून बलात्कार करायला सांगेल अशी धमकी देऊन,पोलीस असल्याचे सांगत त्याच स्पा मधील केबीन मध्ये नेऊन बलात्कार करायचा.त्याच वेळी अश्लील व्हिडिओ बनवुन पीडित महिला यांना वारंवार फोन करून ते व्हिडीओ पती व सोशल मीडियावर प्रसारित करेल अशी धमकी देत पैशाची मागणी करत होता.त्यांच्या या मागणीला प्रतिसाद देत पीडित महिलेने गुगलपे च्या माध्यमातून १० हजार रुपये गुरुपाल याला पाठवले.त्यावर न थांबता अजूनच त्रास देण्यास गुरुपाल याने सुरु ठेवल्याने अखेर त्याच्या विरोधात पीडित महिलेने सानपाडा पोलीस ठाण्यात गुन्हा दाखल केला.या गुन्ह्याची दखल घेत पोलिसांनी शुक्रवारी रात्री उशीरा सानपाडा या ठिकाणाहून गुरुपाल पहूजा याला अटक केल्याची माहिती पोलीस उपनिरीक्षक सुप्रिया पवार यांनी दिली.