शिरवणे गावातील बेकायदेशीर लॉजिंगला आशीर्वाद कोणाचा ? , ग्रामस्थांची नाराजी तर मनपाची कारवाईला दिरंगाई

शिरवणे गावातील बेकायदेशीर लॉजिंगला आशीर्वाद कोणाचा ?

ग्रामस्थांची नाराजी तर मनपाची कारवाईला दिरंगाई

नवी मुंबई :- अनधिकृत बांधकामांपाठोपाठ आता नवी मुंबई, नेरुळ विभागातील शिरवणे गावात निवासी जागेवर अनधिकृत पणे लॉजिंग बोर्डिंग उभारण्यात येत असल्याने त्या लॉजिंगला ग्रामस्थांचा मोठ्या प्रमाणात विरोध होत असल्याची माहिती समाजसेवक जयेंद्र सुतार यांनी दिली आहे.सदरील अनधिकृत बांधकामाची माहिती मनपा विभागाला देऊनही कारवाई होत नसल्याने ग्रामस्थांनी न्याय मागायचा कोणाकडे असा प्रश्न सुतार यांनी उपस्थित केला आहे.
              डान्स बार, बार रेस्टोरंट, अवैध व्यवसाय, अनधिकृत बांधकामात आघाडीवर अशी ओळख असलेल्या नवी मुंबई, नेरुळ विभागातील शिरवणे गावात आता लॉजिंग आणि बोर्डिंग धारकांनी धुमाकूळ माजवला आहे.लॉजिंग बोर्डिंग ची संख्या या ठिकाणी मोठ्या प्रमाणात असून आता निवासी जागेवरच लॉजिंग बांधण्याचे प्रकार सुरु आहेत.याच गावातील भूखंड क्रमांक ३०६ वर सध्या लॉजिंग चे काम सुरु असून या विरोधात ग्रामस्थ आक्रमक झाले आहेत.जुन्या बांधकामावर नव्याने लॉजिंगचे काम सुरु असल्याची माहिती मिळताच शिरवणे ग्रामस्थांनी बैठक घेत या बांधकामाला विरोध करत सह्यांची मोहीम राबवली.या सर्वांच्या सह्यांचे पत्र नेरुळ विभाग अधिकारी यांना दिले.सदरील बांधकामाला कोणतीही परवानगी नसल्याचे ग्रामस्थांच्या निदर्शनास आले असता या बांधकामावर तत्काळ कारवाई करण्यात यावी अशी मागणी ग्रामस्थांनी लेखी निवेदनाद्वारे तक्रार केली आहे.तक्रार देऊन विभाग कार्यालयाकडून कारवाईला दिरंगाई होत असलयाने ग्रामस्थांनी नाराजी व्यक्त केली आहे.शिरवणे गावाच्या आजूबाजूला कोणतेही पर्यटन स्थळ अथवा धार्मिक स्थळ नसतांना इतक्या मोठ्या प्रमाणात लॉजिंग का असा प्रश्न आता ग्रामस्थांनी उपस्थित केला आहे.गेल्या अनेक वर्षात शिरवणे गावाला बार आणि लॉजिंगचा विळखा पडला आहे.या ठिकाणी शहराबाहेरील नागरिक डान्स बार मध्ये मौज मस्ती करण्यासाठी येत असून लॉजिंगचाही वापर मोठ्या प्रमाणात होतांना दिसून येतो.बाहेरून येणाऱ्या नागरिकांकडून याचा स्थानिक महिलांनाही त्रास होत असल्याने बाहेर जातांना जीव मुठीत धरून त्यांना फिरावे लागते.अनेक वेळा छेडखाणीचे प्रकार या ठिकाणी घडल्याने हाणामारीचे प्रकारही घडले आहे.नवी मुंबईतील शहर हे येथील ग्रामस्थांच्या जमिनीवर वसले असून ग्रामस्थांनी आजही आपली संस्कृती जपली आहे.हीच संस्कृती बिघडवण्याचे काम डान्स बार, बार रेस्टोरंट, अवैध व्यवसाय,अनधिकृत बांधकामधारक करत असल्याने भविष्यात ग्रामस्थांची संस्कृती संपुष्टात येण्याची शक्यता नाकारता येत नाही.

Popular posts
भारतातील सर्वात मोठा 'नमो कुस्ती महाकुंभ जामनेर मध्ये, भारतातील दिग्गज पैलवानांमध्ये एकाच मंचावर घमासान
Image
केटी ग्रुप, एलके ग्रुप व मिलेनियम इन्फ्रावर कारवाई करण्याची मागणी, सिडको व महारेरा ची फसवणूक, ग्राहकांचे करोडो रुपये परत देण्याची मागणी, कारवाई न झाल्यास सिडको कार्यालयासमोर आत्मदहन
Image
वनराई नष्ट करून एम.आय.डी.सी प्राधिकरणाची प्रदूषणाकडे वाटचाल, हजारो वृक्षांची कत्तल, अधिकारी गप्प ?, कायद्याचे रक्षकच बनले कायद्याचे भक्षक, एम.आय.डी.सी.कडून परवानगी नसतांनाही कंत्राटदाराकडून वृक्षतोड
Image
दिवाळी अगोदर अनधिकृत बांधकामे पूर्ण करण्यासाठी भूमाफिया आक्रमक , अतिक्रमण अधिकाऱ्यांची दिवाळी जोमात ? , लवकर कामे पूर्ण करा, विभाग कार्यालयाकडून छुपा आदेश ?
Image