अरविंदो मीरा संस्थेतर्फे पत्रकारांना सैनेटाईझ व मास्क चे वाटप

नवी मुंबई - पत्रकार हा लोकशाहीचा चौथा स्तंभ असून कोरोना काळात त्यालाही संक्रमणाची झळ बसली आहे.स्वत:च्या जिविताची पर्वा न करता बातम्या सर्वापर्यत पोहोचविण्याचे काम ते करत असतात.अशा वेळी पत्रकारांचीही काळजी घेणे हे हितचिंतकांचे कर्तव्यच आहे.याचाच विचार करून नवी मुंबईतील पत्रकार /कैमेरामॅन यांना अरविंदो मीरा संस्थेतर्फे मनपातील पत्रकार कक्षात सोमवारी सैनेटाईझ व मास्क चे वाटप करण्यात आले.
               यावेळी चित्रपट सृष्टीतील प्रसिद्ध अभिनेत्री,अरविंदो मीरा संस्थेच्या अध्यक्षा नयन पवार,हास्यसम्राट जयवंत ओक,अडव्होकेट नागराज,प्रसाद कोलते, विजया लक्ष्मी हे उपस्थित होते.अरविंदो मीरा संस्थेतर्फे अनेक सामाजिक उपक्रम राबवण्यात येत असतांनाच कोरोना काळात अनेकांना मदतीचा हातही देण्यात आला.त्याचदरम्यान त्यांनी नवी मुंबईतील पत्रकार /कैमेरामॅन यांनाही सैनेटाईझ व मास्क देण्याचा निर्णय घेतला.सोमवारी दुपारी मनपा पत्रकार कक्षात सैनेटाईझ व मास्क देण्याचा उपक्रम हाती घेण्यात आला असता बहुतांश पत्रकारांनी याचा लाभ घेतला.यावेळी बोलतांना नयन पवार यांनी सांगितले कि सदरील उपक्रम हा एक दिवसासाठी नसून दर प्रत्येक १५ दिवसांनी करण्यात येणार आहे.त्याचबरोबर कोरोना काळात शक्य तितका हातभार लावण्याचा मी प्रयत्न करणार आहे असे त्यांनी सांगितले.