रिलायन्स जिओ इन्फोकॉम लि.चे काम धोकादायक,मनपा आयुक्तांचे आदेश धाब्यावर

नवी मुंबई - रिलायन्स जिओ इन्फोकॉम लि. कंपनीच्या ऑप्टिकल फायबर केबल टाकण्यासाठी नवी मुंबईच्या विविध भागात नवी मुंबई महानगरपालिकेकडून अटी व शर्तीच्या आधीन राहून खोदकाम करण्यास परवानगी देण्यात आली असता कंपनीकडून त्याचे उल्लंघन झाल्याचे दिसून आले आहे.केबल टाकण्यासाठी खोदलेले रस्ते गेल्या अनेक दिवसांपासून उघड्यावरच ठेवण्यात आल्याने अपघाताचा धोका वाढला आहे.गेल्या दोन दिवसात झालेल्या पावसामुळे या खड्यात पाणी साचले असून जर एखादा मोठा अपघात झाला तर त्याला जबाबदार कोण असा प्रश्न उपस्थित झाला आहे.तर मनपा आयुक्त अभिजित बांगर यांनी नुकत्याच खोदकामासंदर्भात केलेल्या सूचनांनाही कंपनीने धाब्यावर बसवले असल्याचे दिसून आले आहे.

               शहराच्या विविध भागात रिलायन्स जिओ इन्फोकॉम लि.कंपनीचे  ऑप्टिकल फायबर केबल टाकण्याचे काम सुरु असून त्या साठी मोठ्या प्रमाणात खोदकाम करून फायबर केबल टाकण्यात येत आहेत.खोदकाम केलेल्या भागात मनपाकडून दोनच विद्युत केबलच्या वाहिन्यांसाठी परवानगी देण्यात आली असता कंपनीकडून तीन तीन वाहिन्या टाकण्यात आले असल्याचे दिसून येत आहे.ज्या ठिकाणी खोदकाम केले आहे त्या संरक्षण कठडा बसवणे गरजेचेच असतांना कंपनीकडून त्या बाबतीत कोणतीही खबरदारी घेण्यात आलेली दिसून येत नाही.त्यामुळे चालणाऱ्या आणि वाहनचालकांना या ठिकाणावरून चालणे धोकादायक ठरू लागले आहे.याचाच फटका एका वाहन चालकाला बसला असून त्याच्या वाहनाचे काही प्रमाणात नुकसान झाले आहे.खोदकाम करण्यात आलेल्या खड्यातच वाहनाचे एक चाक अडकल्यामुळे वाहन बाहेर काढणे काही वेळ जिकरीचे झाले होते.जर वेळीच यावर मनपा कडून पावले उचलली न गेल्यास याचे गंभीर पडसाद उमटू शकतात अशी शक्यता वर्तवण्यात येत आहे.

कोट - रिलायन्स जिओ इन्फोकॉम लि.च्या कामाबाबत अनेक तक्रारी प्राप्त झाल्या असून त्यांना उपअभियंता सुधाकर मोरे यांच्या माध्यमातून काम बंद करण्यास सांगण्यात आले आहेत.तर लवकरच त्यांच्याकडून खोदण्यात आलेले खड्डे ही भरून घेण्यात येतील. 

सचिन नामवाड - कनिष्ठ अभियंता ,नवी मुंबई महानगरपालिका  

Popular posts
शिरवणे गावातील बेकायदेशीर लॉजिंगला आशीर्वाद कोणाचा ? , ग्रामस्थांची नाराजी तर मनपाची कारवाईला दिरंगाई
Image
भारतातील सर्वात मोठा 'नमो कुस्ती महाकुंभ जामनेर मध्ये, भारतातील दिग्गज पैलवानांमध्ये एकाच मंचावर घमासान
Image
केटी ग्रुप, एलके ग्रुप व मिलेनियम इन्फ्रावर कारवाई करण्याची मागणी, सिडको व महारेरा ची फसवणूक, ग्राहकांचे करोडो रुपये परत देण्याची मागणी, कारवाई न झाल्यास सिडको कार्यालयासमोर आत्मदहन
Image
वनराई नष्ट करून एम.आय.डी.सी प्राधिकरणाची प्रदूषणाकडे वाटचाल, हजारो वृक्षांची कत्तल, अधिकारी गप्प ?, कायद्याचे रक्षकच बनले कायद्याचे भक्षक, एम.आय.डी.सी.कडून परवानगी नसतांनाही कंत्राटदाराकडून वृक्षतोड
Image
दिवाळी अगोदर अनधिकृत बांधकामे पूर्ण करण्यासाठी भूमाफिया आक्रमक , अतिक्रमण अधिकाऱ्यांची दिवाळी जोमात ? , लवकर कामे पूर्ण करा, विभाग कार्यालयाकडून छुपा आदेश ?
Image